其實好多人去日本自由行，因唔識揸車就只選擇了市內遊覧，錯失好多靚景同
好地方，所以今次我就介紹下可以坐巴士亦都好容易去得到的郊區地方，咁就唔使怕交通問題啦！
今次我用係 昇龍道巴士券（ http://www.meitetsu.co.jp/cht/ticket-info/shoryudo.html） 我買的是五日券14000日圓， 有了呢張券就方便得多！但記得有部分車要先預約丫！
第一天落機， 係機場先兌換返張巴士券實票，之後就坐jr鐵路去到名古屋站， 名古屋站再坐巴士往高山出發，特別有部分車段需預約，我就在名古屋站先預約好，之後就唔使擔心無位，而改動行程及浪費時間，去到酒店放低行理就去高山三町老街及周遭商店街， 這條老街保留著傳統江戶時代的和式建築，別有一番風味，當然這條老街仲有好多好買，好食，如飛驒牛壽司等。
第二天一早出發於高山站坐巴士前往新穗高温泉站(http://shinhotaka-ropeway.jp.t.uk.hp.transer.com)， 之後買纜車票上去觀景台（出示昇龍道巴士券會有折扣），就可以坐纜車上到去睇很眺望著名的日本北阿爾卑斯山脈，纜車分開兩段，中間佢有個足湯，可以畀你放鬆一下！但我就無浸到個足湯 因為我之後安排去平湯溫泉區浸溫泉，浸完就返高山，係高山食當地出名的飛驒牛燒肉~匠家，真係好正值得一試！
第三天就去《世界文化遺產》白川鄉再去金澤，但都不用怕拎住行李好煩，去到白川鄉客服中心會有寄存行李服務， 欣賞合掌屋都無難度，加上當天漫天飄雪，增添詩情畫意。再坐巴士去到金澤放低行理再出發去近江町市場，地下主要海鮮市場，魚生刺身，蟹等。。。二樓仲有好多餐廳，真係眼花繚亂。
第四天全日金澤市內觀光，本身這裡的巴士搭乘一次是200日圓，買一張金澤一日巴士券是500日圓，所以記得買一日票抵好多，仲要已經涵蓋好多旅遊景點(http://kanazawa-tourism.jp/tw/areaguide) ~ 西茶屋街， 21世紀美術館 ，兼六園，金澤城公園，東茶屋街。
第五天返回名古屋，我就買了名古屋地下鐡一日劵740日圓，開始購物行程:名古屋站商場及地下街，大須商店街~ 比較多古靈精怪特別野賣(途經大須觀音寺可入去拜拜下， 抽下運程簽) ，榮町商業街（途經會見到名古屋電視塔及Oasis 21＜ 水之宇宙船 ＞影下相）
第六天就行個名古屋城公園（http://www.osakacastle.net/hantai/index.html） ，睇那護城河，天守閣，就出機場了！
