去日本北陸旅行最醒目快捷嘅方法當然就係直飛日本小松機場，比起從名古屋出發足足慳番3個幾鐘車程架！不過小松機場並唔係國際機場，今次都係跟永安團先有咁嘅安排咋！
坐左成4個鐘頭飛機，一落機梗係搵啲野玩下先啦！好開心事關今日有個超級老朋友嚟左接我機，唔講得笑哩個friend等左我成兩億年喇，真係夠朋友！
佢叫Jurassic，住向福井著名恐龍王國，裡面仲有好多堅?恐龍化石！係呀~都係我班friend，等得太耐都變晒代石添~ 嗚嗚~
慳左成三粒鐘就一於去探下佢地先走啦！Jurassic World, I'm coming…..
福井県立恐竜博物館
開館時間：上午9時至下午5時
官網：https://www.dinosaur.pref.fukui.jp/
唔講唔知其實福井縣係全日本發掘出最多恐龍化石嘅地方，仲係世界三大恐龍博物館之一，另外兩個就向中國同加拿大。帶埋小朋友嚟絕對有教育意義呀！
日本人真係好鍾意選舉，恐龍骨選舉你又聽過未！？AKB48人氣選舉就話啫…..
博物館所有入場觀眾都可以參與一個叫做恐龍World Cup嘅選舉活動，用一人一票方式選出，你心目中最受歡迎男女恐龍骨喎?！各位觀眾，本介第一位就係哩位Entry number12
嘅恐龍先生喇！
你睇佢個樣好似好趕咁，可能係趕住去頭胎囉！？
有第一自然有第尾架啦，如果各位都好似我一樣鍾意鋤強扶弱的話，就記住投票俾34號仔喇，事關佢排緊榜尾呀！陰公豬~
我人認為福井恐龍館特別位，在於可以俾大家親手摸下恐龍骨嘅真身，俾你感受一下史前世界~
不過由於實在有太多遊客摸過，真係摸蝕晒喇！唔知仲以為係木製品添！
等我都Feel下佢先，話唔定我同佢係隔世情人呢~
話咁快就去到金澤駅喇，想知我日本通Jarvis有咩手信好介紹，記得繼續收看呀！
つづく
足本播放:
