日本中部行程真係豐富，話咁快又到左行程第二個重點推介景點 Japan Legoland喇！
日本legoland向今年4月1日正式開幕，位於日本中部名古屋，從名古屋站出發搭青波線（あおなみ線）坐LEGOLAND Train（レゴランド・トレイン），
直達金城埠頭站（金城ふ頭駅）。成人車票一程350日元，車程約24分鐘。
落車之後再步行幾分鐘就到門口架喇！Gogolegolegogo….
LEGOLAND Japan
地址：名古屋市港區金城埠頭2-2-1
時間：10am至 5pm
門票：成人6,900日元，小童5,300日元
官網：https://www.legoland.jp/en/
園內設有7個不同主題區域，由1,700萬塊積木同1萬個模型砌而成！
向Miniland園區入面就已經用左1,000萬塊積木，將東京、大阪、京都、名古屋各地著名地標都Copy左向樹~
嘩！高達都嚟左！真係成個日本係晒到呀！俾你一次過去勻日本著名景點打卡囉！
睇真啲，你會發現好多好笑拉添~
另一個園區Adventure嘅Submarine互動遊戲，大人細路都可以坐上潛水艇欣賞lego版嘅日本海底世界，真係超有趣！其他地方嘅legoland搵唔到架！
行到攰攰地，睇下有咩食先！嘩！lego薯條！？真係食得架喎！每份盛惠450日元。咩味！？薯條味囉！
去主題樂園最站就梗係去買手信啦！見到場內限定嘅貨品一定要買呀！
鍾意整野食嘅朋友，哩款LEGO蛋糕模就最啱你喇！賣1800日元，返到香港得閒可以整番個LEGO蛋糕回味下！
各位朋友一定要留意哩個牌呀，睇唔明日文，睇下句英文都明晒啦！"Hard to Find" 即係非常難搵嘅產品，咪即係熱賣貨品囉，貨源唔多，所以見到就要買喇！
識得玩梗係學我卜永安旅遊自由行套票啦！一個價錢包晒機票、酒店同門票喇！而家預訂全線日本套票仲包wifi蛋免費租用一部添(每訂單一部)！
https://package.wingontravel.com/Detail/2907
足本播放：
