其實我去哥陣係2017年1月，阿蘇火山唔開放，哥陣有考慮過唔去阿蘇，但係睇到人地影嘅相又好靚，好彩最後揀咗去！
我嘅路線係由熊本來回阿蘇，出發前已經訂咗九州横断巴士(Kyusyu Odan Bus)，起熊本巴士站出發，去到阿蘇駅前再轉產交巴士(產交バス)上草千里。
Kumamoto Station Bus stop No. 3 > Aso Station (阿蘇駅前) > 草千里
點樣去到個巴士站？其實個站好近JR同熊本市電，我就係搭熊本市電，起熊本駅前站落車，行2分鐘即到！
熊本搭九州横断巴士上阿蘇
去程同回程都只係各有兩班車，我哥陣去程揀咗最早哥班車，回程揀最晏哥班，諗住慢慢hea唔洗趕！
沿途已經見到好多芒草
睇返上面個時刻表，10:10起阿蘇駅前落車，之後就要轉搭產交巴士上草千里。我哥陣去遲咗到，好彩架車會等埋架九州横断巴士，一落車即刻衝上產交巴士（因為真係好凍呀）！
產交巴士官網：https://www.kyusanko.co.jp/sankobus/aso_sen/
除咗上草千里，其實我地係去咗阿蘇山西駅先嘅，阿蘇山西駅就係搭纜車上火山口嘅站。但係上到去又真係無野做，得個「凍」字，仲要等咗好耐先有車落返去草千里。
之後半日嘅時間就起草千里食個lunch同影下相、hea下，同埋草千里遠望都見到個火山口有煙出！
p.s. 其實唔一定要由熊本去，由布、別府都去到，仲可以揀搭鐵，而且熊本城修葺無期，熊本都無咩景點好去，所以可以慳返時間。
*時刻表會不斷更新，所以記得去官網睇呀！
