澳門差不多年年都有新酒店開幕，啱晒鍾意試新酒店嘅香港旅客，今次介紹哩間五星酒店位於氹仔地段，豪華得嚟又夠晒時尚，同樣係金碧輝煌但絕對唔土豪！啱晒一眾潮人型人嘅品味！酒店外型聞說係以寶石盒為設計藍圖。不過亦有人覺得似貨櫃箱，見人見志啦！
睇片先 ►►
大家唔好搞錯係美獅唔係美斯！哩隻美獅外層貼咗三萬幾塊24K金薄，勁閃！
酒店中庭設計都好有特色，天幕廣場日間有陽光透射感覺特別舒暢！
酒店充滿藝術氣息，既有當代藝術家嘅雕塑，仲包羅唔少中國古董，哩張出自『寧壽宮』嘅清代皇室地毯，就已經價值不非啦！紫禁城都未必可以咁近距離欣賞到架！
辦好入住手續後，第一時間上房參觀下先！走廊位都好有Style
入門選擇『度假客房』無論係大床房亦或係雙床房，43平空間感絕對充足！
床上用品都有番咁上下質素，柔軟舒適！
浴室設計亦十分貼心，座厠、淋浴間、洗面/浴缸獨立分成三個空間。酒店客房全面使用日式電動座厠，淋浴間更有熱帶雨林式嘅花灑設備，雲石浴缸位置採用透視式設計，可以邊浸浴邊欣賞窗外風景！度假Feel即時提升~
個人護理用品都唔馬虎，全線採用優質自家品牌，小編最Like哩支lotion，用上高檔嘅佛手柑精華，咁大支住一晚又點會用唔晒，最啱放手袋當handcream用啦。
現時凡入住美獅美高梅任何客房，住宿可免費享用房內mini bar，有機會品嚐到MGM自家品牌啤酒！
室內設備大部份都是電子操作，一部小小嘅搖控器，唔使怕瞓覺前息燈啦！
泳池位於天幕廣場旁邊，地方唔算好大，勝在環境唔錯，啱晒嚟度假放鬆心情嘅你！
Gym Room都唔錯架，地方唔大不過設備齊全，仲有註場教練添！
酒店餐廳一律走中高檔路線，全部由名廚處理，小編特別推薦位於天幕廣場的Janice Wong甜品店，吸引人嘅仲有店外哩座7米高朱古力噴泉！啱晒為食嘅我！
順帶一提交通接駁做得都幾好，除左有發財車免費接載大家往返各個碼頭、機場同埋口岸，仲有車來回氹仔舊城區及舊MGM酒店添。事關嚟澳門除左話嘆吓靚酒店之外，仲想出去行吓澳門舊區品嚐特色美食同打卡架麻！
酒店預訂 ►► https://www.wingontravel.com/hotel/
更多澳門食玩瞓情報 ►►https://blog.wingontravel.com/
