首爾勁多cafe，統統打得又睇得，唔止門面有特色、咖啡都好出色架！嚟首爾旅行北村韓屋都應該係必去景點之一掛！
今年春天向安國站附近又開咗間行古風路線嘅cafe，真係勁有feel！事關哩間cafe前身就係韓屋，依家改建成咖啡店，基本結構不變，裡裡內內都係韓屋格局，
啱晒韓劇迷換上一身韓服遊韓屋村影相打卡之餘，仲可以先嚟嘆番個早餐或下午茶先！感受下韓或優雅日常！
雖然係韓屋，不過唔一定坐地下嘅，仲有現代用餐區，有檯有椅仲有冷氣嘆，大熱天時都唔怕啦！
睇片：
精品咖啡、手沖咖啡都有提供架！非常認真，一杯大概5,000韓元都唔係好貴咋！
食物方面，除咗咖啡飲品之外，仲有不停出爐嘅新鮮麵包，鹹甜都有，選擇仲好豐富添！不過可惜產品介紹就只得韓文，不是所有產品都有標價或有英文翻譯，純粹靠估！睇造型做決定要唔要！果然係外貌協會會員！
慢慢享受咖啡時光~去旅行都可以好Hea，係沙冷Hea個Hea~埋單見到5,000-10,000韓元都有，價位都幾闊，少少貴不過都覺好值得泥幫襯！老實講打下卡都抵啦~
上面有兩款變種菠羅包，左上方係牛油紅豆菠羅包，個人覺得偏甜少少，有啲漏！下面黑色個款內藏芝士，鹹鹹地都幾好味，咁大個食完好飽囉！
哩款蜂蜜海苔多士個人好鐘意，鹹鹹香香仲要係新鮮出爐，仲熱熱地好味道！
環境：正正正正
食物：正正正
價錢：正正正
Cafe Onion 어니언안국 (安國店）
地址：首爾鐘路區桂洞 146-1
營業時間：星期一至五 07:00～21:00、周未開09:00
交通方案：安國站3號出口徙步2分鐘
延伸閱讀 ►► 更多Blogblog趣首爾行程推介：http://bit.ly/2ZPWJY0
