首爾自由行 又點少得嘆海鮮嘅環節~~出發前搵咗好幾間吃到飽餐廳備用，不過真係好飽，由早餐開始不斷食、午餐、下午茶又想試不同cafe、晚餐時段都仲好飽⋯
食多啲不如食好啲！响江南行完街街就去食紅蟹大餐！
哩間紅蟹專門店離江南站只差一個站，仲係由朝開到晚營業時間特別長，中午過後都冇落埸，啱晒任性嘅觀光客們！之前做過資料收集、套餐分大中小、平均每人二百港元左右。我哋三個人嚟得就梗係要食大餐啦！86,000韓元包四隻紅蟹，其中三隻特別大，一隻細少少，蒸熟後解體先上檯，啱晒淑/熟女心意！除咗蟹，仲有炸真·蟹捧、煎秋刀魚、蟹湯、前菜小食呀咁！蒸蟹好鮮甜、一隻都有排食！哩個套餐價個人就覺得好抵，因為之後响可樂洞問過價錢，一隻大概1kg多啲已經賣五萬韓元，依家有四隻，一人一蟹食得仲開心！
識得食一定要食返碗堅·蟹腳拉麵！湯底係用蟹腳煑濃濃蟹味，配番個辛字麵，勁好味呀！
仲未完㗎！老闆推介留番個蟹蓋（保留蟹膏）可以加2,000韓元去做炒飯，食埋哩個炒飯先算完美！炒得夠鑊氣又惹味！
束草真淑家紅蟹
地址：首爾市江南區驛三洞640-23
營業時間：11:00~23:00
交通方案：二號線驛三站六號出口徒步8分鐘
+++++++++++++++++++++++++++++++++++++
(原文轉載)：http://travelermel.blogspot.com/
