每次去旅行大家都會預早留意定滙率，就梗架啦！阿媽教落慳得一蚊得一蚊！不過去旅行帶大量現金向身始終有風險，近年成日聽人講向外地禁機攞錢，仲好過係香港唱定，到底堅定流，分析過至知！
1. 海外提款功能
電視都成日提醒旅客，出發前訕得開啟海外提款功能，自從2013年起，所有銀行卡必須於香港本地透過銀行預先問啟提款功能，先可以向外地禁錢，為的就係保障大家，免得被不法之徒透過讀卡手法，套取卡資料，再向外地經自動櫃員機提款。而家只須透過任何ATM機都可以啟動海外提款功能，亦可選擇最短2星期至12個月有效期、亦可設定每日提款上限，最高可設定成與香港每日最高提款額等值之金額。
2. 開啟左就禁到錢?
開啟左境外提款功能，都未必部部機禁到錢架，要留意番你張銀行卡到底行邊個網絡先，主流分三大類，Plus、Cirrus、銀聯，早十幾年前銀聯仲未流行，基本上你手持嘅提款卡都係Plus/ Cirrus，根本唔使擔心禁唔到錢，只係擔心手續費太費。只從偉大祖國掘起後，香港95%提款卡都已經轉晒行銀聯網，真係想申請番張Plus/ Cirrus都好難。
基本上現時好多國家櫃員機都已接受左銀聯網絡，大部份東南亞國家都冇問題。不過假如你打算做南美浪人，咁拎住張銀聯提款卡就麻煩少少，事關好多中南美洲國家都仲用緊Plus/ Cirrus網絡。
有需要的話你可以將你個銀行戶口同你張Visa卡挷定(須為同一銀行)，咁就可以透過哩張卡於行Plus/ Cirrus網絡嘅櫃員機提款。又可以帶少張卡，遺失嘅機會又少左，都算一舉兩得嘅。
3. 海外用ATM提款手續費點計？
中國銀行 (銀聯機) 每次HK$15
恒生銀行 (任何機) 每次HK$20
匯豐銀行 (銀聯機/PLUS) 每次HK$20/ HK$40
Citibank (任何機) 豁免 (*海外銀行(非Citibank)之ATM可能會另外收取手續費)
東亞銀行 (銀聯機) 每次HK$15
溫馨小貼士：
之前幾次去台灣都係直接向機場用櫃員機禁錢，非常順利，兌換率都ok，不過出左市區之後，就發覺其實都唔係間間銀行嘅提款機禁到錢，最後都係去番梗有一間係左近嘅便利店成功禁到錢！所以去日韓台泰嘅朋友，有需要就搵7仔禁錢算吧啦！
