[走進台灣。墾丁] 恆春海岸半天遊 @ DAY 2

在<<墾丁戀海126風情旅棧>>休息了一晚，早上躺在床上聽聽海也不錯。早餐約了在八點半大堂吃，只有一份簡單的三文治，餅乾及水果，再加上一杯飲品為今天加把勁。

在露台享受了陰天的一個早上，收拾細軟，先去<<墾丁大街>>醫肚。

呢日天氣依然都幾凍，所以中午食返個一人鍋都唔過份。

另一邊廂叫了碗牛肉麵嚴重中伏。一來勁細碗，份量少，味道好普通，二來竟然比海鮮鍋貴。

一點鐘在<<吉興旅館>>門口上車，第一站先來到<<船帆石>>，遠睇似艘啟碇的帆船，近睇又似美國總統尼克森先生的側臉。

第二站<<砂島>>呢度睇有好多已經枯萎既珊瑚，當局劃分左開放區及保育區。開放區可以行落去拍拍照，看看海。

(上左右圖)範圍都好大下，旁邊仲有一所<<貝殼砂展示館>>介紹呢度既生態環境。

(上左下圖)第三站<<鵝鑾鼻>>，

(下圖) 這個要買票，NT60一個人

入場後會先見到一大片草地，唔趕時間可以係度照下相甚至野餐。

穿過公園就會見到白色的建築物及燈塔。

到此一遊

旁邊的走廊也是拍照的好地方

(下左上圖)第五站是<<台灣最南點>>，呢度太大風，又多大陸團，想影張相都唔易。

(下右上圖)第六站是<<龍磐公園>>，呢度十級大風，差點成個人被吹起。

旁邊仲有越野摩托車場，唔趕時間可以一試。

最後一站是<<港口弔橋>>，入場費NT20

穿過吊橋再行入去會到溼地公園及沙灘

因為這個是半天團，四時半我們就回程，司機大哥把我地直接車到酒店。但今天要轉酒店，就在墾丁大街的<<冒煙的喬SMOKEY JOES>>，呢度充滿美國風情之餘，仲有個熱帶風情的泳池，但因為天氣太凍，所以落唔到水，浪費左。

今日係星期日，隔壁的恆春市有個週末夜市，一星期只開一晚。呢度D價錢相比墾丁大街直頭係平民級，而且都幾好行，種類多，還有遊戲玩。

在前程恆春夜市時，我地係牌坊站等巴士，拉客的黑車司機不停的叫我們坐他車，叫價要NT300單程，仲話車埋我地去睇<<出火>>，NT600連回程。佢地見我冇咩反應，接住話香港食餐飯都要咁上下錢。

我心諗﹕「大哥咁近我有巴士唔坐?坐你? 仲要限住我行夜市既時間，唔係掛」。

個人最喜歡是這裡的藥燉排骨，蚵仔煎，烤魷魚及咸水雞

最後跟魷來魷去的老板做了朋友，他送了一包堤子乾給我帶走，太客氣。

原文追蹤：http://blog.ulifestyle.com.hk/blogger/dickso/