今日要去嘅地方就係我期待以久嘅立山黑部喇！登登登..登..
立山黑部大雪谷每年大概4月中旬開山至6月下旬，雪牆最高10公呎~
話說上立山黑部都幾複雜下，一日內要坐成6種交通工具先睇到大雪壁架！
立山登山纜車 (立山車站–美女平)1.3公里/7分鐘
立山高原巴士 (美女平–彌陀原–室堂)23公里/50分鐘
立山隧道無軌電車 (室堂–大觀峰)3.7公里/10分鐘
立山架空索道 (大觀峰–?部平)1.7公里/7分鐘
黑部登山纜車 (?部平–?部湖)0.8公里/5分鐘
關電隧道無軌電車 (?部水庫–扇澤站)6.1公里/16分鐘
第一款交通工具就係從立山駅出發到美女平嘅哩款傾斜纜車~
好地地做咩改個咁嘅名先得架！美女就美女啦，加埋後面個字~~唉~
嚟到美女平，唔使急駁車住，去左哩個打卡位先啦！事關後面哩棵叫美女杉，相傳向住佢誠心許願就會有桃花運架！
第二款交通工具既然係咁冇驚喜嘅大巴~仲要坐成50分鐘囉！不過正正就係哩部巴士可以帶你穿過整條雪壁！
上到車其實唔代表一定會好景，今日偏偏撞正壞天氣，貼左告市話要封雪之谷呀！天呀！唔通連個天都唔鍾意我！嗚嗚…
不過為左大家，冒著生命危險都要行出去拍好條片俾大家睇?！
天氣不似預期，但嚟左總要Feel…..
大風雪我都冇有怕，立山黑部挑戰成功！
其實日本當地真你好細心嘅，專登闢出一段mini版雪壁，慰藉一下山長水遠而來?旅客們打下卡selfie下~ 雖然係迷李版但都有5-6米高架，仲冇車行，旅客們可以安心影相打卡~
參觀完雪壁，買手信當然係指定動作啦！我阿Jar今日根介紹，室堂站星之滴落(雨下)，
即係白朱古力果仁，好好味呀！
哩一款人氣手信~佐佐成政之隱酒一支只賣1650日元，據報非常受歡迎連續5年榮登銷售排名榜冠軍！
淨係哩到先買到架，記住擸番兩支番香港喇！
哩款木板明信片就夠趣啦！直接寫向木板上面，仲可以直接寄番香港架！
最後一款就係即食咖哩飯，冬天嚟就係睇大雪谷，夏季同秋季嚟就可以欣賞黑部大霸，哩款咖哩/白汁飯重點唔係在於咖哩有幾味美，別注位在於個碟嘅設計，放入細波爐番熱好之後，只要有個湯匙輕輕整穿中間部份，醬汁就會慢慢湧到白飯個邊，堅好笑！白汁咪好囉！點解係咖哩汁呀！？湧出嚟嘅係咖哩汁喎！你懂的….啊啊~
つづく
足本播放：
