今次我地跟網上推介去咗影韓國證件相，睇下堅正定係有伏，正所謂美圖秀秀呢家野我技巧都唔差架！
我地去呢間影相店係位於弘大既Studio photobi ,好易搵到，一落到去已經人山人海喇！當中除咗有香港人之外，原來本地女仔都唔少。成個過程半個鐘都唔洗就走得！
一個一眼睇晒既格局，有一張比人扮靚既化妝枱、有梳、同直髮夾提供，無化妝服務，只有一班ps技術超凡的職員同一個攝影師。佢地幾細心，有個櫃放晒D男裝西裝恤衫，等你唔洗著住去影都得，只要比W3000就可以。
戲肉開始了，因為我地無帶化妝品，係咁E夾左個頭後就同職員講，佢就會安排你影相，佢會影大約10幾張，會要求你前D側D左D伸前D咁，過程大約5分鐘，等多5-10分鐘後就會見到你既相已經去到Ps人員部電腦，佢會用快到你呆咗既速度執相並邀請你一齊睇下有冇咩想執，務求執到你滿意為止。
佢地手法純熟到喺幾秒入面將我對眼對稱、拉高咗個頭、黑眼圈，細紋，大細眼，水腫臉，連眉上面既雜毛同頭髮有d毛毛都幫我修埋、仲有搞搞個咀等等，幾分鐘後一位女神就係咁誕生喇！等一陣之後佢地會比番相你，而有需要亦可以將個soft copy send去自己email, 將來可以自己隨時曬！
張證件相係幾靚，如果見工用我就唔夠膽喇！不過申請passport我諗都可以用既！值得比like係佢地既ps技術！今次呢個推介好滿意呀！有興趣大家可以去玩下！
地址：首爾東麻浦區Seogyo332-13 /서울시 마포구 서교동 332-13
營業時間：週二至週日11:00至21:00（截止20:30拍攝），週一閉館
電話：070-7581-4782
Tomo 的快樂宇宙︰
https://www.facebook.com/photography.tomob/
