人人都話睇北極光，唔通人人都睇過北極光咩！講真，咁到底邊都先睇到呢？當然從理論上凡係位處北緯60度到69度之間嘅上空都有機會睇到，當中涉及嘅地區涵蓋北美、芬蘭、挪威、冰島、俄羅斯仲有格陵蘭。又有人問咁係咪淨係得冬更先會出現架？當然唔係啦，北極光其實日日都有機會出現，只係北極圈夏季日長夜短，日光日白天燦燦肉眼又點睇到呢！相反冬季夜長日短，咁就唔使半夜三更捱眼瞓都睇到啦！
不過想睇都唔係真係咁易，對於一般香港旅客嚟講，得個十日八日時間，去到outlet又去唔到景點，淨低一晚半晚等睇北極光，真係唔好意思要講番句“北極光乃自然現像，圖片謹供參考。”頭先講到北極圈咁大，又涉及咁多國家，梗有啲觀賞指數比較高?！
觀賞極光最佳月份：
以夜長日短最有利，每年9月至翌年3月。不過北極圈一帶天氣變化較大，1-2月份進入嚴冬季節，除左等運到之外，仲要靠你個人意自力喇！意志力薄弱嘅就唯有夢中相見啦！
觀賞極光小貼士：北極光有如夜間嘅彩虹，必須到光害少，環境夠空曠，同時又需配合天朗氣清，最好仲要避開滿月，?晚上11點至2點，比較容易觀賞到。
觀賞極光最強熱點：
小編為大家精選五大熱點，祝各位有緣人如願以償！
1. 加拿大‧黃刀 Canada Yellowknife
一年最少二百多日錄得有北極光出現，被譽為極光小鎮嘅黃刀，並非浪得虛名，傳聞話只要你住3晚能夠睇到極光?機會可達95%，聽到哩到真係未出發先興奮！早年一套日劇《最後的聖誕節》就令原本藉藉無同嘅小鎮紅遍日本旅遊界，所以旅遊配套都算做得唔錯。
即使聖誕老人，都一樣有狗拉雪橇玩，同埋遊冰湖釣冰魚，絕對係難忘嘅體驗。不過冬天嚟嘅朋友，就要有心理準備，當地氣溫可低至零下30-40度。
最佳月份：1月、3月、9月、11月(10月份天氣變化最大，不利觀賞)
最佳觀賞位置：Prelude Lake
航空交通：HKG => 加拿大溫哥華/卡加利/ 愛民頓 => 黃刀 (►►機票預訂)
行程建議：順便到卡加利欣賞洛磯山脈 Banff一帶湖光山色，四季各有美態，絕對不能錯過。尾站飛抵黃刀，靜心等待極光降臨，此情無價！
半自助遊精選：https://www.wingontravel.com/tours/detail/Canadatravel-987-10569
2. 美國‧阿拉斯加 – 費爾班克斯 Americas Fairbank
好多人都以為只有北歐先睇到北極光，其實就大錯特錯喇，事關北美洲睇到極光嘅機會遠比北歐高，同黃刀一樣每年機乎有成二百幾日都有紀錄到極光出現，最適合喜歡玩自駕遊嘅朋友，不過去美國要申請簽證，就有少少麻煩囉。同埋沿途又冇咩景點，純睇北極光的話似乎有點單調。所以如果你有親友向美國住，下次探親時順便去埋啦。
最佳月份：2月、3月、9月、10月
最佳觀賞位置： Steese Highway
航空交通：HKG => 美國西雅圖 => 費爾班克斯 Fairbank (►►機票預訂)
行程建議：選擇9月份出發，體驗著名阿拉斯加郵輪，可選西雅圖或溫哥華啟航往北行班次，於終站Anchorage離船，正式開展你的追捕極光之旅！
3. 挪威‧特羅姆瑟 Trosmo
去北歐賞極光有個優點，就係可以感受下當地童話般嘅氛圍。每年11月中至翌年1月中左右，Tromso就會逐漸進入永夜(Polar Night)，24小時不見太陽，感覺既奇特又神秘，留兩三日應該可以，長住就驚驚！每年1月舉行北極光節，2月舉行馴鹿拉雪橇比賽。
另外，10-11月份降雪量最高，不利觀賞。1月份氣溫最低可達零下20度，其餘日子大概維持攝氏4度至零下8度之間。
最佳月份：1月、9月
最佳觀賞位置：Ersfjordbotn
航空交通：HKG => 瑞典斯德哥爾摩 => 挪威奧斯陸 => Tromso (►►機票預訂)
行程建議：既然航班已註定經停瑞典以及奧斯陸，順利成章一次過玩勻北歐三國啦！諾貝爾頒獎禮每年12月10日於奧斯卡舉行，記得到此一遊。
4. 芬蘭‧拉普蘭 – 伊納里 Inari
跟Trosmo相距只有7個多小時的芬蘭極北小鎮Inari，秋冬季氣溫大概零至零下20度。12月降雪量最多，9月降雨量最少。Inari附近機乎零景點，怕悶的話建議從 Rovaniemi開始玩起，北歐地方交通往來極不方便，自駕遊相信是最佳方法。
最佳月份：3月、9月
最佳觀賞位置：Lake Inari
航空交通：HKG => 芬蘭赫爾辛基 => 伊瓦洛 Ivalo (►►機票預訂)
行程建議：如果旅程只有10天，建議先飛抵Kemi後，租車開始自駕遊，然後坐坐破冰船，逛逛Ice Castle，再北上羅凡尼米 Rovaniemi，參觀聖誕老人村，玩馴鹿拉雪橇車，然後再繼續北上到Inari，如果想一嘗雪橇太拉車和雪上電單車的話，可以於日間開車
到Saariselka一帶參加活動，價錢和口碑都比較好。
旅行團精選►►https://www.wingontravel.com/tours/detail/finlandtravel-127-10809
5. 冰島‧雷克雅未克 Iceland Reykjavik
近年很多人到冰島旅行，夏天去行山冬天去睇極光，雖然叫做冰島但係氣溫又並非如想像中冰涷，平均氣溫大概零度左右比起北美極地冬季動輒零下二三十度，相對體貼。冰島冬天又不止於只有白雪茫茫，距離首謹1小時車程有個藍湖溫泉 Blue Lagoon，泉水雖然係附近發電廠嘅副產品，但湖底嘅土壤就絕對係由純天然火山岩土形成，結合平均37度泉水，就創造出當地獨一無二嘅藍湖溫泉，既環保又享受，設計者實太聰明喇！
最佳月份：1月、12月
最佳觀賞位置： Reynisvatn、Grotta Lighthouse
航空交通：HKG => 瑞典斯德哥爾摩 => 雷克雅未克(►►機票預訂)
行程建議：假如閣下並非行開山的話，個人建議留3-4晚向冰島已經好盡，再轉到瑞典挪威玩會更令行程變得更多姿多彩更好有趣味。
旅行團精選►►https://www.wingontravel.com/tours/dest/Icelandtravel-5-126
文：停不鳥
未睇過嘅朋友睇住片先：
