香港人生活忙碌，响香港就甚少行街市，但係一去到日本就專登去行當地嘅傳統市場，因為大家都知道市場係第一手食材抵達地方，走入市場就可以食到最新鮮最便宜嘅美食，說得對！今日就等小編同大家介紹大阪傳統市場，大阪府房之稱嘅『黑門市場』啦！美食客們不要錯過喔！
黑門市場（くろもんいちば） －大阪美食集散地
去東京去築地，依家就去豐州啦！咁去大阪呢？就梗係去黑門市場啦！全日本各地產嘅海鮮、水果、蔬菜、甚至肉類都搵到！因為太多遊客，黑門市場裡面仲開咗唔少藥妝店、同手信店！短短600米嘅市場商店街入面，竟然有170店舖，計我話回程前預留一整天做尾站就最適合不過喇！食買玩一次過搞定！打包返香港又方便新鮮度UP！
黑門市場小知識
交通攻略：地鐵千日前線日本橋站下車，10號出口徒步3分鐘
營業時間：09:00~18:00 (部份商店星期日休店)
網站：http://www.kuromon.com/
☛☛延伸閱讀：關西5日4夜行程懶人包
☛☛延伸閱讀：周遊東京5日4夜行程懶人包
☛☛延伸閱讀：更多日本食玩買旅遊情報
黑門三平
黑門三平絕對係黑門市場嘅王牌！既有海鮮濕貨或冰鮮貨可以賣走之外，仲有壽司、刺身、拖羅、三文魚、即燒大蝦、鮑魚、蟹腳、帶子、海膽、龍蝦、長腳蟹等等可以堂食，全自助方式，揀好貨品俾完錢就可以到用餐區自便，筷子、熱茶、醬料、檯椅都有提供，亦可直接點現做海鮮丼飯，同樣價廉物美！新鮮情度令你無法抗拒！
營業時間：每日09:00~18:30
黑門中川 生鮮館
黑門市場一般商店都比較早收，唯獨是這個中川係一家24小時營業的超市賣場，感覺非常本地有各類日本產水果、蔬菜、肉類等食材。每季來買時令水果都有驚喜，士多啤梨、水蜜桃超受歡迎。各位旅客們下次去大阪旅行，尾站安排來買新鮮水果也不錯！
營業時間：每日24小時
黑門 丸善精肉店
吃飽了海鮮，係時候是品嚐和牛喇，市場內其實有好幾家店和牛專門店，丸善係其中少有的神戶和牛專門店，有晒專業資格，所有牛肉食材都有提供產品証明，確保貨真價實，想以市場價錢品嚐高級餐廳嘅料理，千祈咪錯過！
營業時間：每日08:00~18:30
