杜拜Dubai係阿拉伯聯合酋長國United Arab Emirates 之最大城市，這個城市雖然位處沙漠，但貴為最富有嘅國度，當然要齊集全球最頂尖最奢華嘅事物啦！除左沙之外，向杜拜仲搵到大海，上面嘅人工島住嘅都係哩個世界上最有錢嘅人。買唔起咩你又可以俾多啲錢，親身體驗下富豪級享受，正所謂人一世物一世！小編總覺得哩個城市異常堅離地，絕對係沙漠裡嘅一片綠洲，見證出有錢的話真係乜都有可能，要海有海要雪有雪，仲有座衝上雲霄嘅超級高樓大廈添！
杜拜自由行實用資訊
杜拜機票
往來杜拜香港當然是選乘直航班次，可以選乘阿聯酋航空直飛杜拜國際機場(DXB)，飛行時間約9小時。淡季票價大概三千至四千不左右，想感受一下異國情懷，杜拜絕對是既安全又時尚嘅選擇！
立即查詢及預訂：杜拜直航機票
杜拜當地交通
杜拜唔係香港地方咁大，景點少不免比較分散，加上一年到晚都咁夜，跟本冇可能行路囉！自從有咗地鐵之後，旅客遊走杜拜就方便左好多，其實杜拜地鐵甚少本地人坐，坐嘅都係外勞朋友，規模方面同澳門單軌列車差不多，所以唔係總站上都幾難搵到位坐！杜拜國際機場有設車站，方便轉機時間非常長的話不妨坐地鐵車快閃遊杜拜，不想兌換杜拜貨幣更可刷信用卡購票，非常現代化！
.
.
杜拜地鐵 Dubai Metro
車票：AED 3/單程
運作時間：06:00~23:00 (星期六至四)；14:00~00:00 (星期五)
參考網站：http://www.dubaimetro.eu/dubai-metro/
朱美拉棕櫚島係杜拜近年必到嘅熱門景點，座落於人工島上地鐵唔到，唔想搭的士亦可以選乘單列車，起點站 Palm Gateway -> 終站 Atlantis Aquaventure Station。接駁方法先乘M1地鐵於Dubai Marina下車，再轉乘電車於Palm Jumeirah下車，就會見到Palm Gateway單軌車站！
.
棕櫚島單軌鐵路Palm Monorail
車票：單程20 dirhams或 來回30 dirhams (現金即場購票)
運作時間：09:00~22:00
參考網站：https://www.palm-monorail.com/
一般旅客如我出入主要靠單軌鐵路的話，當然要選擇車站沿線嘅酒店啦！小編建議可選舊城區、杜拜商場The Dubai Mall、阿聯酋商場Mall of The Emirates商圈出入都會比較方便。
杜拜酒店熱選推介：
棕櫚島亞特蘭蒂斯度假酒店 (Atlantis, The Palm)
一生起碼豪一次！用三千港元換來一夜富豪級住宿體驗，都唔算貴啦！包埋早餐都係三千幾，就可以體驗埋富豪級的餐飲享受，超划算吧！這座杜拜最大人工島朱美拉棕櫚島，集休閒娛樂住宿度假於一身，區內設施統統都係世界級數，比如水族館、水上樂園、專屬私人沙灘，都是非一般5星酒店可以比美的。
立即查詢及預訂：棕櫚島亞特蘭蒂斯度假酒店 (Atlantis, The Palm)
過去十年這家帆船酒店一直表徵著杜拜，一提起杜拜就會浮現出這座酒店的畫面。憑著她獨特帆船外形又座落於海邊之上，再加個天空背景，日出日落藍天雨天都能展現出不同美態，不過入門房都要賣成萬蚊一晚，又真係住唔起嘅。可唔可入去參觀？梗係唔得啦！唔想俾錢就只可以去附近沙灘影張相留下念囉！budget鬆少少嘅，其實都可以以食客身份入去嘅，嘆下午茶或者自助餐嘅！大概每人九百幾左右啦！不過論性價比小編就認為帆船酒店頂層餐廳Al Muntaha 享用晚餐就最高，水平線食都收九百，頂樓咁High都係千二有找喎！
立即查詢及預訂：帆船酒店 (Burj Al Arab Jumeirah)
阿爾巴沙玫瑰公園酒店 (Rose Park Hotel Al Barsha)
非自駕遊當然要住近地鐵，哩間酒店响正(Red Line) SHARAF DG Metro Station後面，杜拜第二大商場阿聯酋購物中心就係隔離，想去棕櫚島行吓又得啫，坐兩個地鐵或者巴士就到啦，係咪超方便先！講到客房設施一啲都唔輸蝕，話晒都係四星級標準，雙人房入門都有35平米，淡季房價仲要六百蚊有找，商務個人旅遊都好抵住。
立即查詢及預訂：阿爾巴沙玫瑰公園酒店 (Rose Park Hotel Al Barsha)
迪拜阿爾瑞加凱悅嘉軒酒店 (Hyatt Place Residences, Al Rigga)
位於舊城區內的國際品牌，房費每晚大概九百港元包自助早餐，有泳池又近地鐵站Baniyas Square Station，仲要係42平米公寓式設計，簡直就係香港豪宅嘅級數啦！
立即查詢及預訂：迪拜阿爾瑞加凱悅嘉軒酒店 (Hyatt Place Residences, Al Rigga)
迪拜巴莎高地美居全套房酒店 (Mercure Dubai Barsha Heights Hotel Suites)
世於巴莎高地，Dubai Internet City地鐵站就在咫尺之間，好歹都是國際品牌吧，入門標準雙人套房的價錢竟然只需四百多港元，間房仲有60平米咁大！每個單位都係公寓式設計，有房有廳仲有景觀添！鄰近杜拜碼頭區，晚上可以到海邊餐廳吹吹風感受下中東風情。去朱美拉棕櫚島亦相當方便架！
立即查詢及預訂：迪拜巴莎高地美居全套房酒店 (Mercure Dubai Barsha Heights Hotel Suites)
杜拜必到旅遊景點
哈里發塔 (Burj Khalifa)
於2010年1月4日正式啟用，足足用咗5年時間興建已成，為目前世界第一高建築物，高度為828米，哩個高度又係咩概念？現時世界排名第6位嘅係樂天世界塔樓高555米，第11位台北101大樓就係508米，即係高超過一半有多！樓層總數169層，造價達15億美元。
交通攻略：(Red Line) Dubai Mall Metro Station
參考網站：https://www.burjkhalifa.ae/en/index.aspx
預訂門票：
哈利法塔（迪拜塔）124層 + ARMANI DELI 午餐套票一張
朱美拉清真寺 (Jumeirah Mosque)
採用中世紀法蒂瑪王朝(Fatimid)傳統風格建造，用全白石鋪砌而成，室內外做功非常精細，達至藝術級數不止於一個宗教建築物。亦係少有接受非回教徒入內參觀嘅清真寺之一，不過各位想入去打卡的話，必須注意服飾要求，男士必須穿著長褲、鬆身上衣；女士必須穿著保守服裝、長袖衫、長褲、長裙、鬆身服務(legging、貼身款式一律禁止)、衣服質料不能太薄透光、更重要係所有女士都必須披上頭巾，將頭髮及頸部遮蓋。
交通攻略：(Red Line) Business Bay Metro Station轉乘#9巴士於Palm Strip Center下車
開放時段：每日只限兩個參觀時段10:00及14:00
門票：AED 35
杜拜購物中心 (Dubai Mall)
位於哈里發塔 (Burj Khalifa)旁邊的大型購物中心，集休閒娛樂購物於一身嘅多元化發展商圈，擁有 超過1,200間商店、150間餐廳，更設有室內主題公園、溜冰場、水族館以及水底動物園 (Dubai Aquarium and Underwater Zoo)，豐富到玩足一日一夜都未玩夠！。
交通攻略：(Red Line) Dubai Mall Metro Station
參考網站：thedubaimall.com
預訂門票：
朱美拉棕櫚島 (Palm Jumeirah)
舉世聞名嘅人工島，完全展演出人類嘅創造力。在棕櫚島上嘅都係世界一流酒店，包括華爾道夫酒店 (Waldorf Astoria)、費爾蒙特酒店 (Fairmont)、One＆Only 酒店、卓美亞 Zabeel Saray 酒店，以及杜拜新一代酒店典範~亞特蘭蒂斯酒店 (Atlantis The Palm)。島上甚至擁有自家的單軌電車系統，為每個到訪的旅客提供最方便快捷的旅遊方案。
交通攻略：(Red Line) Dubai Marina
參考網站：thedubaimall.com
亞特蘭蒂斯水上冒險樂園 (Atlantis’Aquaventure Waterpark)
杜拜內最刺激嘅水上樂園，四條水上滑梯沿著仿古建築物已建，創造出獨一無二的體驗！其中一條的高空滑索道The Leap of Faith玩家需從27.5米(約9層樓)台迅速滑下，極盡刺激於娛樂！仲擁有一條中東最長嘅水上飄流河道全長2.3公里，夠你飄足45分鐘。
交通攻略：(Palm Monorail) Atlantis Aquaventure Station
網上購票：
杜拜舊城區及傳統市場 (Al Fahidi Historical District)
睇夠杜拜高端浮誇嘅一面，不妨也看看她的過去，來到舊城區你也可以感受到一種中東異國風情。舊城內必到景點包括黃金市集(Gold Souk)、香料市場、布料市集(Textile Souk Market)、杜拜博物館(Dubai Museum)。
交通攻略：(Green Line) Al Ras
IMG冒險世界 (IMG Worlds of Adventure)
哩個室內主題樂園面積竟然有成28個足球場咁大，場內更擁有最新最刺激機動遊戲，唔好再講杜拜唔啱親子旅行喇，事關哩到有專為細路而設嘅Ben 10少年駭客、Gumball、飛天小女警和 LazyTown 等明星卡通做嘅主題遊樂設施，大細路又可以去探下班手足，好似蜘蛛俠、變形俠醫、鋼鐵人、雷神、復仇者聯盟等天王巨星。
交通攻略：(Red Line) Dubai Mall 或Mall of the Emirates Metro Station後再轉乘的士
網上購票：
杜拜樂園及度假村 (Dubai Parks and Resorts)
杜拜嘅親子設施又何止IMG一個呢！响哩個度假區入面你仲會搵到杜拜LEGOLAND、LEGOLAND水上樂園添！近年大熱印度電影，你對Bollywood都未必陌生，唔知哩個寶萊塢樂園(Bollywood Parks)同電影樂園(Motiongate)你又有冇興趣參觀下咁呢？
交通攻略：(Red Line) Ibn Battua Metro Station
網上購票：iVenture 迪拜自選景點城市通票
阿聯酋購物中心 (Mall of the Emirates)
杜拜有趣之處往往就係將不可能變成可能，你有否想像過向沙漠都國度都可以滑雪！絕對唔係海市蜃樓亦唔係天荒夜談呀！千真萬確响最杜拜第二大商場入面~阿聯酋購物中心(Mall of the Emirates)，真係隱藏咗一個全世界最大嘅室內滑雪場Ski Dubai。佔地超過二萬平米，擁有室內纜車以及專業滑道，無論你係初哥定高手都歡迎加入！
交通攻略：(Red Line) Mall of the Emirates Metro Station
網上購票：iVenture 迪拜自選景點城市通票
當地一天遊精選行程
一千零一夜之沙漠體驗：
嚟到中東杜拜旅行連沙漠都冇行過冇睇過又點似樣呀！自己去唔到可以參加當地一天/半天遊，酒店接送非常方便，絕對是杜拜旅行嘅必選目！ 哩個Dubai Desert Tour有刺激嘅四驅車沙漠飛馳、向沙丘滑沙、再嚟沙漠騎駱駝體驗、Henna Painting手部彩繪、傳統舞蹈表演，當然仲可以嘆番個沙漠BBQ啦！唔使驚沙漠好熱，一般都會係向黃昏下午3點出發，俾大家一個欣賞沙漠黃昏嘅機會！又順便向沙漠星空下嘆BBQ大餐！人一世物一世，真係勁有Feel~
網上報名：迪拜沙漠沖沙一日遊
阿布扎比一天快閃：
咪以為杜拜咁繁榮就一定係阿拉伯聯合酋長國嘅首都城市，其實係離杜拜大約90分鐘車程嘅阿布札比先至係阿聯酋首都，玩樂景點可能未必及杜拜豐富，不過有嘅都係頂級景點：
.
謝赫扎伊德大清真寺 Sheikh Zayed Mosque
貴為世界第三大清真寺，整座清真寺室內部份足足可容納4萬人入內。聽聞建造時竟然耗用咗46噸黃金以及來自世界各國嘅稀有建材，足足划費咗數十億美金建造費！一磚一柱都達至藝術品級數，當真是非看不可！
開放時間：09:00~22:00 (逢星期五16:30~22:00)
參考網站：https://www.szgmc.gov.ae/en/
阿布扎比法拉利主題公園Ferrari World Abu Dhabi
全球第一個亦係唯一個以意大利跑車品牌”法拉利”命名嘅主題公園，以其標誌性嘅紅色俊馬為基礎，打造成跑車元素嘅娛樂玩樂設施。無論你有冇車牌，買唔買得起法拉利，住响哩到嘅過山車你都一樣可以體驗到時速250公里嘅紅色方程式飆車快感！
開放時間：11:00~20:00
參考網站：https://www.ferrariworldabudhabi.com/
門票：AED 295
羅浮宮阿布達比博物館 Louvre Abu Dhabi
首都就係全國嘅典範，係國家嘅面子，有文化有氣道先可以震攝各。中東同法國看似風馬牛不相及，但偏偏就要起番個羅浮宮，咪以為係翻版呀，堅係法國羅浮宮嘅第一間海外分館！所以館內展出嘅來自世界各地嘅珍品，
開放時間：(星期二/三/六/日)10:00~20:00 (星期四/五10:00~22:00)
參考網站：https://www.louvreabudhabi.ae/
門票：AED 60
.
.
網上報名：阿布扎比一日遊
