#首爾自由行 又點少得去水產市場呢！#麻浦農水產物市場 #鷺梁津水產市場 都見識過，伏又中過！今次又試下相對上少啲觀光客嘅#可樂市場 ～哩個市場規模都唔細、除咗水產、仲有農產品、肉類等批發市場。水產部仲係24小時營業，環境比其他兩個市場都好、乾淨企理仲有冷氣！價錢亦比較平！CP值最高！
市場用餐區分三層，一樓二樓係食海鮮套餐、尢其係一樓最旺最多客人、仲要全部都係本地人，証明哩間最靠得住口味最正宗！一樓的海鮮餐廳可以只須直接點海鮮套餐就可以，每每收3萬已包稅又毋須服務費，口味正宗得嚟又有齊觀光客想吃的菜式，好似最恐怖的生吃章魚、海菠蘿刺身都有！人多仲可以向出面海鮮檔買番隻長腳蟹助慶都仲得！包保抵食過鷺梁津，坐得又舒服過向麻浦！
海鮮套餐每位盛惠₩ 30,000
1. 前菜大量（包括醬油蟹）
2. 活章魚剌身
3. 海菠蘿剌身
4. 生魚片拼盤
5. 煎魚兩味（一夜干）
6. 海鮮天婦羅
7. 鮑魚+鮮魚辣泡菜鍋
睇片先>>
數量已經無得輸！真係飽到要撐住個肚走
味道方面都唔錯、其實都好啱觀光客食！雖然套餐冇提供蟹，如果你真係仲食得落，可以向外面買嚟，老闆可以免費代煑。不過前提係每人必須點一份套餐！
可樂市場
交通方案：地鐵8號線可樂市場 (Garak Market)站2號出口
