想足不出戶又能輕鬆自煮美食？永安旅遊生活館為你介紹7大居家自煮神器，可以自己親手DIY之餘，又可以食得更健康，最重要係簡單方便，人人都可以變居家自煮廚神！| 撰文：永安旅遊編輯部
Récolte x Minion限定款迷你鬆餅機+厚燒三文治機
相信好多人同小編一樣係烹飪新手，但又心思思想試試整嘢食，整得靚靚仲可以出post呃like！今次Récolte x Minion推出嘅鬆餅機及厚燒三文治機限定款就啱晒啦。兩部機都係由日本設計，而且精緻小巧，簡單操作！只要跟住以下步驟，數分鐘內快速製作可愛Minions造型美食，大家一齊跟住做啦！
Toffy 迷你真空攪拌機
想製作健康又有營養的果汁、奶昔、甚至沙冰，點可以缺少一部輕巧方便嘅攪拌機。小編最推薦嘅攪拌機當然要數日本人氣品牌Toffy迷你真空攪拌機，比較其他攪拌機，佢可以抽取瓶內空氣，形成真空減緩食材氧化，延長保鮮！攪拌後更可直接變成手提攜帶保存瓶，啱晒各位上班一族！
Récolte 氣炸鍋 Air Oven / Smartech “Smart Fry”智能氣炸鍋 SA-2180
近年氣炸鍋興起相信好大程度因為方便，只要將食材放進鍋中，後幾分鐘就可以將食材烹調，就算不是炸的口感，都有烘焗效果，最適合繁忙都市人！俾個貼士大家，唔係每款食材都唔落油就可以有氣炸效果，而要食材本身有豐富油脂，效果先會出色！
Récolte – 日式電熱鍋
嚟緊天氣開始轉涼，Récolte日式電熱鍋擁有多功能用途，可以BBQ、火鍋、煎炒煮一樣掂！小編就最推薦用嚟燒烤，因為佢有排油孔設計可以隔開食物油脂，每個組件又可以拆開清洗，火力仲可以高達250°C！
Smartech “Smart Cook”智能多功能低醣電飯煲 SC-2798
電飯煲可能係廚房入面用得最多嘅電器，“Smart Cook”智能多功能低醣電飯煲可以將飯入面醣份減低約28%，仲有長達 24小時保溫功能，最推薦減肥人士、健身人士、糖尿病患者使用！當然仲可以煲粥、煲湯、焗蛋糕等，可以話係每個家庭必備神器。
Récolte / Toffy – 迷你小焗爐
最近係屋企時間多咗，大家都會上網睇食譜，而最受歡迎當然唔少得烘焙啦。而家係時候買一個小型焗爐試整Cupcake、曲奇，甚至土匪雞翼都得！迷你焗爐雖然體積少少，但係功效絕對唔差，可以有數段式溫度設定，搭配不同層架配備，小型焗爐一樣可以變身成為廚房神器！
