【中秋盆菜2022】人月兩團圓，與其花時間煮九大簋，不如簡單啲叫個中秋盆菜吧！從米芝蓮出品、酒店名廚製作等多款特色盆菜任揀，鮑參翅肚已經是基本款，有餐廳更以和牛毛蟹入饌，烹調出創意十足的特色中秋盆菜。多家餐廳均提供外賣自取，趕快抓緊「早鳥優惠」作最後衝刺，即睇內文了解更多吧！| 撰文：Nathaniel、Banner圖：Agnes Lui
- # 本文介紹的相關產品優惠價僅供參考，一切售價以預訂為準。
1. FEAST
若然喜歡嚐新，呢兩款中秋盆菜「毛蟹鮮鮑花膠盆菜」（優惠價：$1936起）與「和牛慶典盆菜」（優惠價：$2106起）簡直正中下懷！由 FEAST 精心烹製，可自由揀選份量，適合4-12人享用。用料方面，⭐️加入日本三大名蟹「北海道毛蟹」、澳洲 Westholme M7 和牛胸腹、M5和牛腱等數十款名貴食材，出得廳堂又能滿足一眾饞嘴的親朋好友。現時訂購仲可享早鳥優惠，低至73折，再回贈$500餐飲現金券，咁著數去邊搵？
- 「毛蟹鮮鮑花膠盆菜」（4-6人）：日本北海道毛蟹（每隻約800克）、蠔皇鮮鮑魚6隻、鮑汁花膠、蜜餞金蠔、燒鴨、白切雞、南乳豬手、南乳豬腩肉、蟹籽福袋、髮菜鯪魚球、魚蛋、豬皮、魷魚、鮮冬菇、枝竹、蓮藕、芋頭及白蘿蔔
- 「和牛慶典盆菜」（4-6人）：美國 SRF 極黑和牛肋肉（約80克）、澳洲 Westholme M7和牛胸腹（約300克）、M5和牛腱（約130克）及 M5和牛尾 （約185克）、牛筋、牛肚、牛柏葉、100%牛丸、蟹籽福袋、山藥魚棒、油揚腐皮、鮮冬菇、支竹、麵根、馬蹄、白蘿蔔、芋頭及蓮藕
2. 新同樂
重頭戲當然是多年來⭐️榮獲「米芝蓮二星」的新同樂，自1969年開業至今，主打傳統粵菜，深受一眾老饞青睞。每年新年中秋都會推出盆菜外賣，每盆都是自家製由其廚房出品，所有步驟絕不假手於人；今年提供5款特色盆菜（優惠價：$2238起），「鮑汁扣鵝掌」、「醬扣元蹄」、「豆醬烤鴨」等為基本配料，可⭐️視乎價位揀選南非紅燒即食鮑魚／48頭禾麻鮑魚／39頭日本皇冠吉品鮑魚／33頭日本皇冠吉品鮑魚等主菜。
- 基本食材包括：鮑汁扣鵝掌（4隻）、醬扣元蹄（1斤） 、豆醬烤鴨（半隻）、厚竹笙（4件）、茄汁海蝦球、蝦籽柚皮、原木花菰、 手打花椒豚肉丸、梅子雞件、香煎鯪魚餅、香葉燻蛋、西蘭花、大根、蓮藕、津菜、枝竹、素筋
3. 永年士多
今個中秋永年士多再度推出人氣盆菜！兩年新年經典款「龍蝦鮑魚花膠大龍鳳盆菜 」（優惠價：$1388）與「花膠發財好市大盆菜」（優惠價：$1888）好評如潮，可供6-10人享用。永年士多細選多達16款食材入饌，尤其鮑魚相當入味，以金華火腿、老雞、排骨等炆足7日7夜，鮮甜肉嫩且有咬口。⭐️依家買其中秋盆菜更加送『永年咖哩辣醬』／『永年麻辣醬』乙樽，平日頹食加料，整體層次口感即時提升。
- 龍蝦鮑魚花膠大龍鳳盆菜
- 材料：龍蝦、鮑魚、冬菇、西蘭花、雞、豬手、花膠、蘿蔔、魚蛋、 豬皮、腩肉、魷魚、蓮藕、 枝竹、墨魚丸、芋頭、南乳汁
- 花膠發財好市大盆菜
- 材料：髮菜、蠔豉、鴨腳、鮑魚、花膠、冬菇、魷魚、西蘭花、雞、豬手、籮白、魚旦、豬皮、腩 肉、蓮藕、枝竹、墨魚丸、芋頭、南乳汁
4. 港島海逸君綽酒店
假如新年錯過咗港島海逸君綽酒店推出的精緻盆菜盛宴，今個中秋你有口福喇！其⭐️「極品鮑參翅肚盆菜（4-6人）」（優惠價：$574起）加入原隻鮑魚、花膠、海參、瑤柱、大蝦等數10款上乘食材製作，保證真材實料。同步登場仲有⭐️「君綽軒」為素食者準備的「十八羅漢上素盆菜」（優惠價：$862起），顧名意義精挑細選松茸、天白花菇、素鮑魚、日本素魚翅等18款食材熬製，顛覆你對素食的刻板印象。
- 地址： 北角油街23號
5. 8度海逸酒店
8度海逸酒店同為海逸集團旗下，隸屬另一酒店品牌 HARBOUR PLAZA ，雖走商務酒店路線，但其餐飲絕不輸蝕。近月酒店推出「喜慶盆菜」（優惠價：$893起）迎中秋，以⭐️原隻鮑魚、花膠、金蠔、大蝦、花菇、貴妃雞、自家製燒腩仔、鵝掌等高質食材精心炮製，就連⭐️醬汁都以鮑魚、金華火腿、老雞等熬煮，濃稠度適中，味道甘甜不油膩。
- 地址： 土瓜灣九龍城道199號
6. 北角海逸酒店
年長一輩喜歡節慶食盆菜，因其寓意一家人齊齊整整，若然加埋北角海逸酒店推出「金玉滿堂盆菜」（優惠價：$979起）， 取其好意頭咁連財運都手到拿來。最重要是份量不惹少，無論你是⭐️4/8/12人份量都綽綽有餘，整盆鮑魚、花膠、虎蝦、金蠔、鵝掌等珍饈百味集大成，唔驚你食唔飽，只怕你浪費。
- 地址： 北角英皇道665號
